Feeds:
文章
留言

Posts Tagged ‘功夫’

印象河南 — 太極之源

少林寺在登封,機場卻在鄭州南面的新鄭,搭8點的飛機,旅館建議3-4點從登封回程,大巴開到鄭州,去到機場巴候車處,五時15分,但下一班車是六時!

未開始猶豫,已有幾個司機圍過來招客,一個說180車到機場,一個說100,旅館說的士要130-140,於是就上了100元的車,同車還有另一個廣州腔的大叔。這種去機場的并車,在二線城市很常見。

上車不久,開到近郊,司機就說,還有路橋費30元,貴客自付。心想:這也是江湖規矩,也不為意,當我淘出130元的時候,廣東大叔竟然只出60元!加起來已貴過打的。

我問司機:為甚麼我們不同價的?

司機:價格都是自己談的。 (WTF!!!)

我開始用廣東話同廣東叔叔吹起水來:

「阿叔,呢條友有冇搞X錯?」

「呢d河南佬好古惑的,經常欺負外人,上車前就乜都得,上左車就加呢樣加果樣,有時車到半路就算」

「我上次領教過,今次精啦,我搭8:00機去深圳,就同佢講係8:30 去廣州,我唔心急,係都要等多幾個人先一齊上車,佢地講好60元,奈我唔何的 」

「.. 阿叔,你係有計!你成日來河南的嗎?」

「一兩次啦,今次去左陳家溝、三門峽同少林寺」

一聽是陳家溝,我估是練武之人,我估中了,自己沒想到的,是原來他是幾個同學一起去探陳瑜師傅,吃喝玩樂兼尋武。

「陳瑜的學生是我的師兄弟,我地幾個一齊去北京搵佢,佢擒拿好勁,同佢飲下酒,順便問下佢有甚麼竅門,平時邊教得咁多!」

「我自己出門,如果同人打架,一對一我不怕的,我年頭先去過香港,參加陳式太極比賽,我推手都排第五!」

「阿叔,真是失覺哂,咁要學太極的話,要幾耐呢?」

「冇話幾耐既,功夫練得多境界會唔同,三年左右應該有小成了。你想學呢,自己先跟個師傅,學左基本野先,再去陳家溝進修,一唔係去北京搵陳瑜啦,1000元一星期,唔包食住,佢地年年加價。」

跟住佢比左呢張我生平接過最爆的卡片…

我還是想見識一下陳小旺,電視上的他,實在太型太有大師風采了。

「佢係外國,好少番」

回港後,我又多了一堆資料,原來最近幾年,陳小旺大師都有回陳家溝教短期班

2012年的三月,都有開!我可能要分身了。

還有就是,今年要學會基本的太極拳。

看完呢段片,真有衝動馬上學!

[印象河南,完]

廣告

Read Full Post »

%d 位部落客按了讚: