我好主觀大膽咁認為，大部份風險(risk)係可以執生解決/避免的，如果搞唔掂，那多數是意外 — 即是事前無法預計的事… (uncertainty)，驚都冇用。
自己旅行一向奉行三個原則：
1) 輕裝 (現在有時連錢包也不帶)
2) 便服
3) 避開 high hazard 的地方 (戰亂/暴亂、瘟役區、種族歧視嚴重的地方)，這樣基本上已經少左好多出事機會。
多年來去過不少地方，托賴總算無事，自己覺得"便衣" 是最有效的一環，運氣當然不能缺。
“危險"的經歷有三次。一次在西藏一條小村，被一名村民拔刀相向，一次在西班牙，被當地人以拳恐嚇，兩次都係靠手勢同表情，溝通解決。還有一次，在Grand Canyon附近，比兩個當地靚仔"圍"，想要錢。我地有5個人，敵方見佔不了便宜，很快就駕車離去。
最反而小時候，未學懂游泳便去深水池暢泳，差點遇溺，鬼門關前給救生員抬上來，死好命。
——————————————————————————————-
友: 其實你都有去啲 “三四線" 國家旅行，有冇諗過都可能會遇到啲 “菲律賓警察" ？
友: 例如你上次去柬埔寨，絕對唔會比菲律賓安全得幾多
麥: 驚就唔會去
麥: 去就唔會驚
麥: 柬埔寨 自赤柬倒台後，都相安無事
麥: 泰國也有紅衫軍啦
麥: 危險，分二層
麥: 一是當地的 base hazard level
麥: 太高危的地點跟本不會考慮 (如伊拉克)
麥: 二是自己的警覺性和執生能力
友：記唔記得我結婚時有個兄弟叫 “王仔" ？佢前年結婚就係響菲律賓搞
麥: 菲律賓也是十幾年先聽見過出事
麥: 邊驚得咁多
麥: 一係就完全避開唔去
友: 佢有請我，但係我諗過，都係怕咗啲賓佬，所以冇去，淨係做咗厚禮
麥: 呢d風險係冇法預先估計
麥: 銅鑼灣都有人淋漒水
麥: 唔通唔去銅鑼灣？
友: 你咪話，自從淋漒之後，我真係冇乜去銅鑼灣
友: 冇辦法，你唔怪得警察冇能，因為真係好難捉
友: 所以唯有減少啲去
友: 至多響第二度買，買貴啲就貴啲啦
友: 如果我係一支公，都未必會咁驚青
友: 但係有老婆同BB之後，諗法好唔同
麥: 我地講緊兩樣野
麥: 發生事情前同發生事情後
麥: 取態當然會唔同
麥博 Mak Blog 